leikhús

verð að segja ykkur að í gær fór ég í leikhús í Borgarnesi og sá Mr. Skallagrímsson- þetta er svo mikil snilld - skemmtilegt, fyndið og fræðandi. Mæli hiklaust með þessari sýningu.  Keyði þó í rólegheitum  til höfuðstaðarins aftur og passaði mig verulega á eftirlitsmyndavélunum

Kjúklingabitarnir í Hyrnunni eru ekki peninganna virði ...  ekki orð um það meir!

Adios

hraðakstur

fyrir um viku síðan þurfti eg að fara upp á Bifröst í Borgarfirði fyrir son minn, sem var að vinna. þar sem að eg var að fara með gögn fyrir hann sem áttu að ná inn áður en skrifstofan lokaði keyrði eg aðeins yfir þessa 90 km sem leyfilegt er að keyra út á þjóðvegi no 1.

í gær fékk eg bréf frá lögreglunni í Stykkishólmi um að eg hefði verið "nöppuð" í myndavél á norðurleið á heilum 101 km hraða. Meðfylgjandi er svo innheimtudseðill upp á 23000 krónur - ef eg borga strax. Nú ef eg ekki borga innan vikutíma þá hækkar þetta í 30000 krónur - og ef eg ekki borga það - þá verður farið með þetta sem almennt sakamál. Fyrr má nú aldeilis vera.

Í gegnum tíðina hef ég svo ótal sinnum keyrt út á þessum hringvegi. VIð sem að erum vön að keyra þetta vitum það að fæstir keyra þennan veg á 90 km hraða. Eg reyni að passa mig að halda mig innan við 110 km hraða og hef alltaf gert. En ef eg ætti að dóla þetta á 90 kílómetrunum yrði eg illa pirruð á áfangastað.

Mér finnst þetta allt of allt of mikill peningur að borga fyrir ekki stærra brot en þetta:)

hvað finnst ykkur?

eftirlaunafrumvarp

Mér finnst ferlega skrýtið hvað það virðist vera mikið mál að afnema eftirlaunafrumvarpið. Mig minnir endilega að í síðustu alþingiskostningum hafi okkur verið lofað þvi að það yrði fellt úr gildi, enda finnst mér það sína okkur glöggt, svo ekki verði um vilst, að hér ríkir bullandi spilling.  En nú er það orðið svo flókið að fella þetta úr gildi að það virðist bara vera nánast ógerlegt. Það var ekki kvartað yfir þvi að það væri flókið þegar það var keyrt í gegnum þingið forðum, en nú eru víst breyttir tímar.

Eg er enn að spá í mataræðið mitt...... nú les eg utan á allar matarumbúðir og er að verða meðvituð um hvað eg er að láta ofan í mig. Hafið þið tekið eftir þvi hvað viðbættur sykur er víða í matvælum? meira að segja í kjúklingabringum er að finna viðbættan sykur........ Hvað finnst ykkur um það?

eg var oggu spæld þegar eg uppgötvaði það

Ekki meiri pælingar í bili

:)

Borgarstjóri

eg veit ekki um ykkur þarna úti - en þessa síðustu daga hef ég alltaf orðið hálf miður mín þegar borgarstjórinn okkar blessaður kemur fram í fjölmiðlum. Af hverju í ósköpunum er hann að þessu ströggli - það er svo greinilegt hvað hann þolir illa þetta pólítíska argaþvarg. Í kastljósþætti sjónvarpsins tönglaðist hann sífellt á þessu sama og mér sýnist sem að hann hafi aðeins sagt þrjár setningar síendurteknar allt viðtalið. Aumingja maðurinn! því fer hann svona illa með sjálfan sig??

hjúkrunarfræðingar

ég er svo ánægð með hjúkrunarfræðingana sem voru í Kastljósinu í gærkvöldi.  Mér fannst þær málefnalegar og flottar. það er sannarlega komin tími til að hjúkrunarfræðingar sýni að þær standa þétt saman og það er ekki hægt að bjóða þeim hvað sem er. er það ekki makalaust að þær séu að lesa um stöðuna í eigin deilu - á meðan heilbrigðisráðherra og yfirstjórn sjúkrahússins segja ítrekað að það sé verið að "reyna" að semja við þær.

til hamingju stelpur - þið standið ykkur vel

ekki meira að sinni

adios

smá hugleiðingar

Æ það er nú ágætt að blessaðir vörubílstjórarnir eru farnir að þreytast. Lögreglan fær tíma til að hvíla sig og safna kröftum. Mér fannst foringi þeirra bílstjóranna dálítið spaugilegur þegar hann sagði í viðtali einhvers staðar að nú væri komin tími til að alþingi færi að vinna vinnuna sína - það sem þyrfti að gera núna væri að kalla alþingi saman!

Hjúkkurnar virðast ákveðnar í að yfirgefa skurðstofurnar, maður spyr hvort ekki hefði verið skynsamlegra  að reyna diplómatísku leiðina að hálfu stjórnenda, - hvað finnst ykkur? Vissulega er Landspítalinn stórt batterí, og mikið og erfitt mál að láta hann rúlla,  en það er eins og að allar ákvarðanir sem teknar eru og hafa með rekstur hans eða þá þjónustu sem hann veitir að gera, séu teknar ofanfrá og gefnar skipanir niður eftir hírarkíinu, en Þeir einstaklingar sem vinna "á gólfinu" hafa lítið eða ekki neitt til málanna að leggja.

Karlófreskjan sem lokaði dóttur sína inni í kjallara og eignaðist með henni sjö börn -- maður er bara orðlaus, - þvílíkur viðbjóður

það sem fer mest í taugarnar á mér þessa dagana eru veggjakrotarar og sinuíkveikjarar, en á hinn bóginn er vorkoman og langir dagar það sem gleður

 en það sem ber hæðst í mínu lífi er að eg er mikið að spá í að taka mataræði mitt í gegn-- og þá er eg að tala um matarÆÐI

Ég mun segja frá því af og til....

ekki meira í bili

mómælendur og fleira gott fólk

þá er þessi dagur á enda. það hljóp heldur betur á snærið hjá fréttamönnum í dag. Eg var orðin hálf leið á þessu þegar líða tók á kvöldið. Mér fannst líka engu líkara en lögreglan væri í löggu og bófa leik- með sprey brúsa og kylfur á lofti. Ætli það sé ekki betra að fara samningaleiðina þegar svona stendur á? Reyndar voru þessi mótmæli orðin að  hálfgerðum skrílslátum og krakkastubbar sem vissu lítð út á hvað þetta gekk farin að kasta eggjum í lögregluna sér til dægrastyttingar. Það verður spennandi að sjá hvað gerist nú á næstu dögum. Mér sýnist bílstjórarnir komnir í mikinn ham og langi í meira stuð. :)

svo verður líka spennandi að sjá hvernig deila hjúkrunarfræðinga á skurðstofum Landspítala fer. Í kvöldfréttum í kvöld sagðist heilbrigðisráðherra ekki trúa þvi að hjúkrunarfræðingar gengu út. Var  hann ekki að spila út samviskuspilinu? Kannski er það það eina sem virkar á hjúkrunarfræðinga:(

en við sjáum hvað setur

ekki meira í bili